新星華加斯好掂 智大睇「高」一線

猪拉多纳

30/11/2011
文： 郭球奇

呢排人人都講尼馬，其實智利超新星伊度亞度華加斯近期人氣都好勁，今晚帶領智利大學喺南美球會盃4強次回合對住華斯高，隨時又係Show Time，1.72倍主W真係有買趁早！（有線61及201、廣東體育周四早上7:50直播）

華斯高王牌祖連奴有傷

首回合智利大學作客逼和華斯高1:1，今仗打和0:0，亦可憑作客入波晉級決賽，出線形勢大好。其實智大喺今屆南球盃真係好犀利，由第一圈至今主客合共踢9場賽事1場都未輸過，當中射手伊度亞度華加斯仲喪入7球，早前阿仙奴領隊雲格都暗示明年1月想買呢位22歲新星，AC米蘭、莫斯科中央陸軍同國際米蘭都被傳(目及)到佢實，今場絕對係伊度亞度證明自己身價嘅好機會。


由於首回合主場被逼和1:1，華斯高今場一定要爭取士哥。雖然佢哋近期要分心巴甲爭標，但教練波格斯講明今場唔會留力，但兩大中場主力祖連奴比南布肯奴同菲臘比佐治，喺日前贏富明尼斯一仗受傷，今場可能缺陣，想歷史性殺入南球盃決賽唔容易！