費倫斯 里奧艾維博和啱數

猪拉多纳

27/11/2011
文： 九叔

費倫斯Vs里奧艾維




今季歐洲聯賽入面，有個「費」字開頭嘅球隊都唔多掂，最屎嗰隊一定係葡超包尾大幡費倫斯，就算今日佢哋响「新球場」出擊，恐怕都贏唔到尾三嘅里奧艾維，一於博吓個和啦。（開賽時間：周一凌晨0:00）


新球場多處要執漏


本來費倫斯個Marcolino de Castro球場今日重建後開幕，但唔知係規劃得唔好，定係唔夠錢嘞，幾日前葡超聯會派人驗場嗰陣，仲有好多地方未整好，更衣室沖涼設施亦剛啱開工，處處甩漏，今日好難唔出醜。




正所謂人衰行路打倒褪，費倫斯近排仲畀中場阿歷山大盧杜域嘅前球會控告，要求佢哋賠償球員培養費，聯賽會亦裁定咗費倫斯理虧，要賠1.3萬歐元畀人，筆數話就話唔大，但係你睇佢哋整個場都搞到一鑊粥咁，就知費倫斯瓣瓣都唔掂。




講到最唔掂嗰瓣，一定係費倫斯嘅戰績，今季踢咗10場聯賽僅得1勝，主場仲只入過2球，真係唔知今日憑乜贏波幫個新球場開光。當然，里奧艾維亦唔係乜嘢好嘢，今季作客未W過，兩隊水鬥水，博和最啱！