畢爾包有料到大炒「格」

猪拉多纳

27/11/2011
文： Sherry

呢個星期打開份報紙，日日見到女藝人畀人非禮單新聞，點解啲人可以咁賤㗎，人哋當你哋係大哥哥、信得過嘅人，點知呢兩個人竟然借醉行兇猛咁抽水，個女仔都話好似畀人出賣咗咁，堅慘！最火滾係某色狼開嗰個記招，小妹真係睇一次躁一次，咁鬼假！練好啲戲先啦！另外嗰個仲潛埋水、戲都費事做添！枉小妹一路都覺得佢哋一個靚仔、一個有型，依家？哼！人面獸心，樣衰到爆囉！




人不可以貌相係啱o架，好似畢爾包咁，以為佢哋重用土炮星味欠奉冇料到？偏偏佢哋已經11戰不敗，近4仗仲勁入8球，今晚喺主場迎戰5場作客輸4仗嘅CF格蘭納達，畢爾包有權大捷o架，博2.1倍「讓球主勝」啦！


Sherry靚盤：畢爾包（讓球主勝）


百足咁多爪嘅大學生，熱愛運動，最鍾意同啲Friend唱K兼睇波，曼聯中場路爾斯安達臣同車仔前鋒費托都係佢杯茶！