南球盃4強首回合 智大夠韌唔驚華斯高

猪拉多纳

23/11/2011
文： 郭球奇

聽朝南美球會盃4強首回合華斯高主場鬥智利大學，記住捧1.85倍「讓球客勝」！智大喺今屆賽事韌力驚人，受傷停困擾嘅華斯高，隨時輸埋波都唔奇！（有線61及201、廣東體育周四早上7:50直播）

智大今屆8戰7勝1和

智利大學喺今屆南球盃表現認真得人驚，由第1圈至今，對住芬斯、蒙特維多國民隊、法林明高、沙蘭迪兵工廠，隊隊都係硬嘢，但佢哋依然喺主客合共8場賽事獲7勝1和，不敗率達100%，難怪教練森柏奧利近日心都雄埋，開腔表示有興趣執教智利國家隊，今場肯定會諗計，點會甩拖倒自己米先？


巴甲勁旅華斯高喺今屆南球盃認真神奇，喺16強同8強都喺首回合作客輸波，次回合返主場大勝戲劇性出線。不過今鋪掉番轉，先喺主場出擊，或者逼唔到佢哋出真功夫，更何況華斯高要分心喺巴甲爭標，今場又有進攻靈魂迪亞高蘇沙停賽，前鋒艾達路爾斯亦上陣成疑，聽朝唔似有運行囉！