華斯高主場例搏追大

猪拉多纳

23/11/2011
文： 笛子波童

周四早上南球盃四強首回合，巴西華斯高主場鬥智利大學，華斯高對上三圈都靠主場贏波晉級，今次自然希望再憑主場之利打好基礎，不過智利大學今屆表現亦唔弱，八戰取得七勝一和未輸過，當中包括作客大炒法林明高，波童建議捧大盤。


（有線61及201台周四早上7時50分直播）

南球盃策略「搏主棄客」

華斯高目前雖要兼顧巴甲爭標，不過南球盃一樣冇揸流攤，但為平衡雙邊戰鬥力，佢哋對上三圈南球盃都喺主場先搏命，作客反而採取半放棄態度，三次都係主場贏波作客輸波。華斯高對上三圈主場一共入十五球，攻力有保證，既然今次又有主場之利，更要採取主動，希望能夠打好基礎，以便留力應付之後嘅巴甲聯賽。


智利大學能夠打入四強亦係實至名歸，由第一圈開始至今踢八場賽事，取得七勝一和不敗佳績，其中對上三圈作客都贏波，合共攻入八球，包括大勝另一支巴甲球隊法林明高四比○，具一定反撲能力，華斯高想贏波亦唔容易。綜合以上分析，相信雙方今場都會大踢進攻足球，開大機會自然高。