卡坦尼亞愈熱愈有機

猪拉多纳

20/11/2011
文： RICHARD WELBING

卡坦尼亞屬意甲小規模球隊，名氣唔大之餘，陣中亦缺乏球星支持，故此長期以來都係護級球隊，不過今年球隊聘請少帥蒙迪拿後，卡坦尼亞確有明顯改變，球員踢法比以前更具侵略性，能夠打入積分榜中上位置可謂改變後嘅成果。今晚卡坦尼亞主場對基爾禾，主W竟不足1.8倍。以卡坦尼亞叫座力，呢個賠率可謂偏低，主W不妨多加留意。（周日晚10時開賽）




留意到近四季卡坦尼亞主場對基爾禾嘅比賽，卡坦尼亞「齋W」平均賠率都超過2倍，而今次港區造價低至1.78倍，足證操盤手對卡坦尼亞有幾樂觀。而好幾間海外菠菜公司包括188BET、Bet Red King、Jetbull等等，亦都將卡坦尼亞贏波賠率調低。小球隊突然被全線睇好，梗係有唔少利好因素，其中一項係主場之利，卡坦尼亞今季喺主場已先後令祖雲達斯、國際米蘭及拿玻里失分，今次對住實力次一皮嘅基爾禾，卡坦尼亞被秤高都好正常。


基爾禾作客曳


基爾禾近年極度倚重隊長柏利斯亞，但隨住年紀不斷增長，柏利斯亞嘅威力已逐漸減弱，開咧至今僅取得兩個入球。另外球隊本身作客演出差劣，賽績上又欠支持，預計今場主W會進一步下滑，建議球迷提早入貨。