阿美利加明尼路打保當頭起

猪拉多纳

16/11/2011
文： 路西法

巴甲周中開快車，路西法最睇好主場出擊嘅阿美利加明尼路。正所謂寧捧當頭起，呢支原本被視為降班膽嘅球隊最近先後擊敗爭標勁旅哥連泰斯及富明尼斯，重燃護級希望，今於主場迎戰近況低沉嘅保地花高，受讓平半必捧下盤。


（周四早上6時30分開賽）


阿美利加明尼路由十三周開始便一直處於聯賽榜包尾位置，勢估唔到踏入十一月份突然脫胎換骨，先後擊敗兩支三甲分子哥連泰斯及富明尼斯，取得今季首次兩連勝，而且仲反壓艾華爾升上聯賽榜尾二，目前只落後十六位嘅高士路六分，重燃護級希望。其實佢哋一直靠主場搶分，近七場聯賽只輸一場，如今球員信心爆棚，任何球隊作客對住佢哋都唔易踢。


保地花高走勢剛好相反，佢哋由季中開始一直穩佔聯賽榜前五名，可惜早前因要兼顧南球盃，搞到聯賽成績大跌Watt，對上五場輸足四場，雖然數字上爭標仍未絕望，但士氣已不能同日而語，今場作客讓波好牙煙。

6連大值追

此外，阿美利加明尼路去到季尾為護級已毫無保留，近六場聯賽一共同對手炮製二十二個入球，全部開大盤，1.75倍大盤亦值得兼顧。