山度士風流波捧對家

猪拉多纳

13/11/2011
文： ComboKing

國際賽檔期，巴甲聯賽照踢，今季爭標及護級都非常緊湊，前列及下游分子戰意比較有保證，反觀部分球隊已冇乜嘢好爭，例如山度士難望爭標，加上憑巴西盃冠軍身份穩奪自由盃入場券，餘下賽事隨時踢風流波，佢哋今仗作客護級隊施亞拉，竟然有得受讓，莊家明顯睇死佢哋會放軟手腳，阿King信盤口捧主勝。（周一凌晨3時開賽）


施亞拉熱得有道理


論排名及近況，山度士都遠勝一籌，佢哋近四仗取得三勝一和，而施亞拉近七場僅一勝，但睇番賠率，施軍主W熱爆至1.72倍，兼要讓波，睇嚟莊家收到料，反映施亞拉今場可望大反彈。事實上，施亞拉若然再失分，好大機會跌落降班區，主場出擊肯定搏命。山度士可以衞冕冠軍身份參加下屆自由盃，毋須再搶分爭入聯賽前列，而且佢哋近三場勝仗都係主場，反而近四次作客只得一和三負，實在不宜高估，今場輸埋好正路。




另一支護級球隊高士路主場對國際體育會，高軍雖然兩連敗，但都係作客對爭標強隊，輸波情有可原，今仗返自己地頭，正係搶三分好時機。甘美奧主場對彭美拉斯，兩軍同係大開大合，要入球大。