哥列迪巴熱W有計

猪拉多纳

13/11/2011
文： 路西法

巴甲爭標進入最後直路，未計周日凌晨賽事，聯賽榜頭五名球隊只有三分差距，一場勝負足以扭轉整個爭標形勢。排第五嘅法林明高今輪作客鬥哥列迪巴，法林明高雖有「細哨」朗拿甸奴孭飛，但作客不穩始終係佢哋最大弊病，而且今場仲要遇着剋星哥列迪巴，即使輸波大家唔好太意外。（周一凌晨3時開賽）


點解話哥列迪巴係法林明高剋星？論名氣及成就，哥列迪巴雖不及法林明高，不過翻查紀錄，原來法林明高對上一次作客擊敗哥列迪巴已經係十三年前，之後佢哋七次作客此地竟然全部輸晒，所以法林明高要搶分追趕榜首唔係話咁易。

法軍作客虎頭蛇尾

法林明高今季羅致「細哨」，佢亦交到功課，夥拍迪維迪及堤亞高尼夫斯一共幫球隊射入四十個聯賽入球，可惜球隊作客水準唔穩定，上次作客面對中游嘅甘美奧，竟然在領先兩球下連失四球，痛失寶貴三分。


哥列迪巴主場成績比甘美奧更勁，今季十六仗取得十勝四和兩負，主場成績排巴甲第三，難怪主隊排名雖然較低，而且目標、決心又冇客軍咁鮮明，但主Ｗ賠率依然低至1.82倍，開盤手對主隊贏波有充足信心。