獅吼搵鳳凰玩大佢

猪拉多纳

13/11/2011
文： 樂比堅尼

今午澳職獨腳戲，由「不敗之獅」布里斯班獅吼主場對威靈頓鳳凰。獅吼跨季三十三場不敗，已寫下澳洲足球歷史，佢哋目標係破埋其他運動嘅紀錄，以獅吼「巴塞式」嘅控球在腳滲透踢法，其他球隊難有爆冷機會，主W冇肉食，樂比仔建議捧1.62倍嘅大盤。（周日下午2時開賽）




上季澳職總冠軍獅吼自從去年九月輸畀墨爾本勝利後，已超過十四個月未輸過，除一早打破保持二十五年嘅澳洲英式足球紀錄，連澳式足球（Footy）紀錄都打破埋，不過獅吼仲未肯罷休，佢哋目標係打破當地欖球隊保持咗七十六年嘅三十五場不敗紀錄。




獅吼今季放走咗上季合共射入二十二球嘅雙箭頭巴巴路西斯及桑蘇拿辛奴，另外孭飛球星麥特麥基亦離隊，但佢哋最厲害之處，就係同巴塞一樣，好似一部機器咁純熟運作，就算派咩球員落場，都可踢出水銀瀉地嘅攻勢，國內傳媒將獅吼冠以「Roarcelona」嘅稱號，絕對唔係誇張。


鳳凰有力駁火頑抗


威靈頓鳳凰係澳職唯一新西蘭球隊，由於地理上特性，主強客弱攤路非常明顯，但佢哋季前傳出財困及部分主力離隊後，實力明顯唔及上季，最近連輸三場除暴露防守不穩嘅缺點，球員信心亦受到打擊，由於鳳凰本身亦有一定入球能力，今場捧大盤較「讓球主勝」更佳。