巴拉圭開齋冇厄你

猪拉多纳

11/11/2011
文： 樂比堅尼

世界盃外圍賽南美洲區一向係主隊天下，頭兩輪八場賽事，僅得一隊客軍贏波，所以樂比仔今日都係向主隊埋手，睇中兩輪仲未開齋嘅巴拉圭，佢哋主場迎戰厄瓜多爾，睇怕主W走唔甩。


（周六早上8時開賽）


南美洲地大物博，部分更處於高原位置，加上交通唔方便，球迷又熱情，所以主場優勢極為明顯，合埋眼揀主隊，基本上冇乜蝕底，但咁多支主隊之中，樂比仔認為巴拉圭最好路，主要原因係呢隊出線常客，目前僅得一分仲未開齋，今仗有搶分嘅必要，其次係佢哋真係食住厄瓜多爾，近六仗主場對厄軍全勝，咁靚嘅績冇理由唔繼續跟！

哥倫比亞剋到委內瑞拉

另一場哥倫比亞主場對委內瑞拉，哥倫比亞個績又係食住對手，近六次主場對委內瑞拉贏咗五次，哥倫比亞今年弗到漏油，近八場國際賽贏咗六場，委內瑞拉不擅作客，上次作客吞厄瓜多爾兩蛋，呢場都係捧主勝。