撐希爾星堡碌「卡」捧盃

猪拉多纳

05/11/2011
文： 走肖

瑞典盃決賽今晚爆發，希爾星堡喺主場對卡爾馬，相信可以喺90分鐘解決對手捧盃，因為卡爾馬未收咧已經出現逃亡潮，士氣唔慌好得去邊，相反希爾星堡提早3輪成為聯賽冠軍，大把時間備戰，1.63倍主W捧得過。




（開賽時間：周六晚10:30）


卡爾馬爆逃亡潮


雖然卡爾馬連環打沉奧雷布洛同赫根，但其實後衞史堤芬拿臣已確定轉投艾夫斯堡，前鋒蘇巴蘭斯就決定加盟哥登堡，同時射手列卡度山度士亦好有可能離隊，如果平時大家有落街場踢波，都應該明白默契同士氣對比賽勝負好重要，依家卡爾馬未收咧就四分五裂，根本唔值得睇好。




相反，希爾星堡提早奪得聯賽錦標後，明顯就住嚟踢，經過連續3場聯賽不勝，4強對住奧雷布洛即刻回復真身以3:1輕取對手晉級，證明希爾星堡大把貨喺手，呢場對住有前鋒沙卡文度、中場施米利、後衞艾文諾尼同達古沙養傷嘅卡爾馬，仲要咁啱有埋主場之利，主W值得吼實。


瑞盃賽制：


今輪為決賽，以一場過分勝負，若法定時間內打成平手，則需加時作賽，再和則互射12碼決勝。