FC燕豪芬搶W唔靠運

猪拉多纳

04/11/2011
文： Combo King

今日七場荷乙賽事，阿King中ＦＣ燕豪芬客W，佢哋作客幸運薛達，主隊狀態曳到無倫，近九仗只曾一勝，早前對弱旅泰斯達，主場都輸二比五。ＦＣ燕豪芬係聯賽防守最佳隊伍，四平八穩夠硬淨，而且近兩次造訪幸軍都贏，捧客W。


（周六凌晨3時開賽）

食住幸運薛達

燕豪芬係荷蘭班霸，ＦＣ燕豪芬雖然同佢哋毫無關係，但於乙組亦屬勁旅，今季頭十一戰七勝二和二負，只係失咗八球，係聯賽失球最少球隊。呢班波唔同一般荷乙隊伍，佢哋打法穩陣，好少同對手癲鳳鬥狂龍，故目前成為荷乙唯一一隊於聯賽開大率低過五成嘅球隊。呢班波近期兩連勝狀態正盛，而近三次對賽幸運薛達贏晒，今次可以添食。


另一戰靴蒙特主場鬥雲登，雙方近期表現都飄忽，打和佔大多數，雲登近五次作客就有四場打和收場。去季兩軍於荷聯附加賽中曾打和三比三，今場捧和。榜首施禾利主場對威廉二世，雙方勢均力敵攻力都勁，主隊聯賽四連勝轟入十八球，正路再追大盤。