聯賽7連勝勁入波

猪拉多纳

30/10/2011
文： 走肖

奇迹、神話未必喺你我身邊出現，不過足球場就經常會發生。奧沙辛拿今晚喺西甲主場對利雲特，可能又係大家見證「大奇迹日」嘅日子，事關兩隊嘅頂級聯賽對賽歷史上，「神奇球隊」利雲特例牌有波入，再加上防線硬淨，受讓平半當然值得捧場。（now632及660台周日晚11:00直播）




今季奧沙辛拿有射手彭迪安尼、中場卡梅拿斯同後衞蒙利爾離隊，牌面削咗好多，近7場聯賽得1勝4和2負並唔係冇原因，而且今季攻入2個入球嘅所謂首席射手連奴，06年至08年曾經効力利雲特，底細好容易被對手摸清，假如連奴都惡唔出，真係諗唔到奧沙辛拿憑咩開W喎。


奧沙頹勢少贏波


至於窮得有骨氣嘅利雲特，今場就有左閘桑法蘭停賽，不過頂替佢嘅迪賀奴話晒踢過車路士，又係西班牙國腳級球員，唔似會喺今場佗衰家，更何況利雲特開季不敗，對上7場聯賽又贏晒，憑住連續3場攻入3球嘅氣勢，以往對住奧沙辛拿例必入波嘅招牌應該保得住，唔怕追多鋪。


利雲特連續3場入3粒


人要闖蕩至會成長，利雲特教練桑馬天尼斯就係人辦，最近佢接受電視台訪問，自爆第一份工係保險經紀，又試過做出版社推銷員，18歲時甚至做過西班牙名歌星嘅保鏢，之前執教低組別球隊冇人識，依家終於捱出頭做亂世英雄，成名路勵志到可以拍電影，就當係支持佢，今場一於捧利雲特個1.85倍下盤。