獅吼弗到漏贏德

猪拉多纳

28/10/2011
文： 立民

小弟好鍾意睇戲，喜愛程度同足球都有得揮，因為可以逃避吓沉悶嘅現實，係幾好嘅調劑。老實講，拍戲先會有令人抖唔過氣嘅情節啫！除此之外，有時足球比賽都可以令你睇到熱血沸騰！




就以澳職為例，如果你有睇上季決賽，布里斯班獅吼點樣喺絕境下後來居上封王，你就知乜嘢叫做峰迴路轉。不過唔知係咪今屆獅吼質素高狀態好，開季到依家都未逢敵手，而畀我最深刻印象就係上場對黃金海岸聯嘅一個入波，由後場搓到前場，最後嚟個致命直線入波！獅吼一共傳咗廿三腳，搞到對手班後防疲於奔命，真係睇到拍爛手掌。獅吼成績好，同隊長馬菲史密夫以及門將迪奧列托斯率領嘅防線穩陣有好大關係，到依家仲係一球不失就係最好證明。


阿德萊德聯欠創造力


今輪聯賽獅吼對手係作客嘅阿德萊德聯，講真呢支澳職紅軍攻力已經大不如前，單憑沙治奧雲迪克喺前線惡搞，中場又缺乏往日嘅創造力，加上作客，呢場根本好難贏出，睇嚟1.6倍嘅主勝仍然係最佳選擇，另外1比0及2比0波膽就更加值博。




兩隊最近十次對賽有九次開細；而獅吼季初嘅勇猛係值得有回報嘅！我希望今日呢場直播都可以出現好似《那些年》咁嘅精彩情節就好咯！




（有線64及204台周五下午5時直播）




立民推介

布里斯班獅吼 Vs 阿德萊德聯

主勝及波膽1:0、2:0

立民在足球傳媒達十年，在香港中文大學畢業後加入有線體育台，曾參與過有線「2000歐洲國家盃」及「2002有線世界盃嘉年華」節目的資料搜集工作，也曾任職香港賽馬會足智彩市場拓展部。

2005年起，他進身幕前，曾任手機及網上足球頻道主持。2009年重歸有線，加入球彩台主持行列，主要參與「澳洲足球聯賽」、「英格蘭超級聯賽」、「歐洲聯賽冠軍盃」直播及「歐聯戰略館」等節目。

phone波熱線：1831 678

電郵：soccer64@cabletv.com.hk

「球盤龍門陣」開放時間：晚上10:30至午夜12:00