班菲特殘陣益晒獨立隊

猪拉多纳

24/10/2011
文： 朱楓

正所謂寧捧當頭起！聽朝阿甲班菲特主場對獨立隊，朱楓會捧1.55倍「讓球客勝」！事關獨立隊近況復甦，而且已經唔使再兼顧盃賽，可以專心應戰，今鋪對住殘陣嘅班菲特，絕對有力坐和望贏！（開賽時間：周二早上9:05）


獨立隊復甦兩連勝


獨立隊近況回勇，繼前仗喺南球盃次回合主場擊敗利加大學後，上仗又贏葛度爾古斯取得兩連勝，氣勢唔錯。由於佢哋喺南球盃已經出局，今仗無後顧之憂，肯定全力爭勝。後衞韋拿基斯日前揸車發生意外，好彩只係皮外傷，今仗可以繼續候命，至於中場古斯柏斯基同維拉芬尼斯，雖然因為入選阿根廷U23出戰泛美運動會今仗要缺陣，但佢兩個一向唔係球隊必然正選，相信影響有限。




對家班菲特上仗作客以0:1不敵聖羅倫素，繼續排榜尾，假如一路咁沉淪落去，隨時成為阿甲喺92年分為春秋兩季後，成績最差嘅球隊。事實上，班菲特想扭轉劣勢亦一啲都唔易，事關正選左閘達利亞費高上場被踢傷右腳足踝要抖1至2場，中場艾奴贊斯同後衞莫路杜斯山度士亦未好番，個陣殘到喊，今戰睇怕凶多吉少！