三斯猛料拉素衝博洛

猪拉多纳

23/10/2011
文： Mic少

拉素今季表現突出，兩位新加盟嘅「失意軍人」高路斯及施斯獲得重生，令人津津樂道，不過令Mic少最為欣賞嘅「藍鷹」球員，其實係中場靴蘭尼斯，呢位森巴兵傳射能力俱佳，喺球場上指揮若定，睇落甚至有少少施丹影子。


靴蘭尼斯前途無限


靴蘭尼斯出道時已有「新卡卡」之稱，可惜際遇麻麻，原本有好機會加盟AC，但卻被聖保羅賣畀拉素，以佢嘅級數踢拉素，真係嘥咗，Mic少相信佢登入豪門，只係遲早嘅事。另外，巴西國家隊依家最需要一位中場大腦，領隊文奴文尼斯與其搵番朗拿甸奴擔旗，倒不如重用靴蘭尼斯。Mic少夠膽講句靴蘭尼斯將可成為巴西爭奪2014年世界盃重要人物。今晚意甲拉素喺「三斯」靴蘭尼斯、高路斯及施斯助陣之下，作客可輕取博洛尼亞，拉素讓平半要上盤。




（now 633周一凌晨2時45分直播）