墨爾本打吡大騷Encore

猪拉多纳

22/10/2011


喺一場隨機嘅試驗中，或許幾次出現嘅結果唔相同，但透過反覆進行大量相同嘅試驗之後，就會出現某個概率，正如擲銀嘅「公」、「字」，出現可能性應為50%，呢個叫做「大數法則」。




「大數法則」喺波盤市場可以咁樣理解，賭博係隨機事件，搜集兩支球隊對賽嘅入球單雙及大細紀錄，照「大數法則」理論，單雙及大細出現機會都係一半，但如果連續出現十次雙之後，第十一次係咪就會係單？十次開大之後，開細嘅機會是否亦會增加？




不過，大部分市場上嘅分析，相反會用對賽慣性去理解，兩軍對賽旺大，今場可追大，但其實每一場球賽都有其獨立性，天氣、出賽陣容、教練等等都會影響每次球賽出現大細嘅機會，不能一概而論。


勝利雄心例有激鬥


今日研究一場澳職，由勝利同雄心進行墨爾本打吡，墨爾本勝利最近八戰七場開細，以「大數法則」論解，呢場開大機會應該增加。事實上，墨爾本打吡向來激烈，過去三次碰頭全部開大，值得一試。