巴黎聖日耳門強壓阿些斯奧

猪拉多纳

16/10/2011
文： 笛子波童

馬會今周開始增設荷乙、法乙聯賽受注，波童雖喺《東方波經》負責荷甲、法甲，但自問對呢兩個地方嘅次級聯賽認識不多，唔敢貿貿然推介畀讀者，現階段玩番老本行似乎最穩陣。


柏斯托尼如虎添翼


經過兩周國際賽，大部分國腳都已重新投入球會比賽，法甲巴黎聖日耳門（圖）有唔少國腳級人馬，但佢哋勝在板櫈深度夠，對整體戰鬥力影響不大。自從阿根廷中場柏斯托尼加盟之後，聖日耳門愈戰愈勇，國際賽前喺榜首大戰擊退里昂，盡顯爭標實力，柏斯托尼喺國家隊唔係必然正選，過去兩場國際賽上陣時間有限，可以集中精神為球會搏殺。阿些斯奧今季遇強即死，今晚迎戰大勇嘅聖日耳門注定冇運行。




（now 633周日晚11時直播）