利雲特平手盤快入貨

猪拉多纳

16/10/2011
文： SAMVO肥叔

西甲今季改變賽事時間，早場戲碼唔算特別好，但於大中華地區大受歡迎，合家歡時段大家一邊食飯一邊睇波，呢個開波時間真係好，現時投X反應相當理想，預期仲有上升空間，有機會直追英超。




講番今次重心場次，雖然唔係早場，但都來自西甲，由利雲特主場對馬拉加，捧主隊！利雲特今季突然踢到上晒身，聯賽保持不敗，而且全部贏盤，爆大冷成為西甲盤王，連名牌球隊皇家馬德里都唔夠佢哋打，真係犀飛利！利雲特已經打起信心，呢類球隊真係唔好亂反，本周主場對馬拉加，足智彩及外圍都開緊平手盤，盤口非常抵玩，值得捧場！（now 632及660周一凌晨零時直播）


西布朗回完氣屠「狼」


同日英超西布朗主場對狼隊，又係要主隊！西布朗季初起步脫腳，主要因為受到賽程編排影響，打完連場硬仗後，班波需要時間調整，經過國際賽期後，大軍有機會大變身。以波論波，西布朗有條件企穩中游，目前位列下游，仲有大把上升空間。狼隊向來只係門口狗，作客一向腳仔軟，今場受讓都唔要。




（有線201及301台周日晚7時直播）




另外，德甲弗賴堡主場對漢堡，漢堡本身實力麻麻，管理層仲要亂晒龍，現時已被唔少行家視為降班熱門，今次作客凶多吉少，捧對家！


肥叔心水


華歷簡奴上盤

西布朗上盤

新特蘭下盤、大

弗賴堡上盤

紐卡素下盤

利雲特平手盤