唐卡士打唔怕列斯聯

猪拉多纳

14/10/2011
文： 亨格比利

英冠今晚上演獨腳戲，由唐卡士打主場恭候列斯聯。齋睇牌面唐卡士打係輸蝕，但自從威爾斯名將桑達斯接掌之後，呢班波即時脫胎換骨，最近佢老人家仲班咗3大英超救兵助陣，主場出擊受讓平半，下盤值得一博。（now638台及廣東體育周六凌晨2:45直播）


列斯聯作客未贏過


新季輸到嘔電嘅唐卡士打，上月尾搵嚟桑達斯掌舵即刻反彈，3場聯賽攞到2勝1和之餘，上仗作客仲反勝埋彼德堡添，為全隊上下打下強心針。桑達斯靠人脈，最近先後簽入門將卻克蘭、後衞伊隆加同占邦達3位擁有豐富英超經驗嘅戰將，防線實力即時雄厚晒。




對家列斯聯近況係好，不過亨格比利收到風，傷愈嘅比治奧將會擔正，佢嘅前線拍檔羅斯麥哥馬克新季如魚得水，好大原因係同基奧治有火花，領隊格雷臣霎時轉變攻擊組合隨時有壞影響。況且列斯聯新季英冠作客未贏過，4戰僅錄得2和2負，造訪當頭起嘅唐卡士打確實有隱憂。