唐卡士打回勇唔赦列斯聯

猪拉多纳

14/10/2011
文： 麥馬拿仁

今晚英冠獨腳戲，唐卡士打主場鬥列斯聯受讓筍。唐軍開咧後就衰到貼地，但早前換帥後近三戰兩勝一和，更借來卻克蘭、占邦達同伊隆加，不但改善了實力，最重要係士氣大增，列斯聯近八作客僅勝一場，讓唔起翻生唐軍平半！




（now 638周六凌晨2時45分直播）


易帥後生猛晒


本季開打後，拿仁不只一次睇死唐卡士打，球迷如果長追佢哋對家，應該有唔少斬獲。眼見劣績斑斑，高層終忍無可忍換帥，請來前利物浦鋒將桑達斯執教。佢08年開始教域斯咸，講真經驗一般，但轉一轉唐軍真係有改善，先後砌低水晶宮同彼德堡，對侯城又唔使輸，目前士氣正盛。桑帥執教後做到嘢，先後借入三名實力英超兵，今晚主場鬥列斯聯，受讓揀得過。




列斯聯本季戰績麻麻，球隊後防唔穩陣始終係致命傷，近期作客白禮頓又失三粒。列斯聯作客戰績曳，現列倒數第四，四戰得兩分入七球勁失十球，咁樣點走去讓波？