阿德萊德聯星散點勝利？

猪拉多纳

14/10/2011
文： 立民

呢兩日香港最熱話題應該係特首任內最後一份施政報告。論政就唔係我強項，不過我覺得足球同政治一樣都要「正氣」。澳職上星期開咧，睇咗三場直播，戰果全部合理。


澳職開季繼續旺「細」


噴射機勝在有拚勁，獅吼主場依然無敵；國家打吡墨爾本勝利對FC悉尼雙方門將表現出色，球星好似艾馬頓同基維爾嘅狀態就唔及本地薑，結果空有攻門，無「士哥」。睇嚟澳職開季都係同以往一樣開入球細居多，大家留意留意！




今日下午阿德萊德聯主場出戰墨爾本勝利。（有線64台周五下午5時直播）有「澳職紅軍」之稱嘅阿德萊德聯今季主力大執位，查維斯杜特、馬菲歷基全部走晒，前線剩番沙治奧雲迪克單天保至尊，上場對珀斯光輝，就只得一次中龍埋門，可見攻力薄弱。反而勝利進攻陣型發揮尚算不俗，翼鋒馬高洛查士踢法更有馬菲歷基初出道時嘅影子。




阿德萊德聯面對積極進取嘅勝利，我估捱打居多。今場難得客軍受讓平半，絕對值博。就睇睇第二周嘅澳職「正氣」可唔可以繼續啦！




立民推介：阿德萊德聯 Vs 墨爾本勝利 讓球：下盤




phone波熱線：1831 678

電郵：soccer64@cabletv.com.hk

「球彩俱樂部」開放時間：晚上10:30至晚上11:45