日本冇厘火氣捱「細」界

猪拉多纳

11/10/2011


你咪睇日本係亞洲盃冠軍，外流球星又多，但攻擊力完全唔掂，今日响世界盃亞洲20強賽主場對住塔吉克，恐怕都開唔到入球大，一於攞日本個1.95倍入球細，過落去澳洲、南韓讓球主勝搵餐晏食吓啦。


入球大細3.5球嫌多


日本今日响大阪長居球場出戰塔吉克，無論實力、地利都佔上風，而且長友佑都、岡崎慎司呢啲傷愈冇耐嘅主將都可以復出，理論上可以大炒一場，問題係日本响意大利主帥沙哲朗尼揸旗之後，打法穩陣得嚟冇厘火氣，尤其本田圭佑養傷，更加削弱咗攻擊力，近8場波開咗7場細，其中3場仲冇波入，今日沙帥死人尋舊路又打「4-2-3-1」，入波想多都難，足智彩開個大細中位數去到3.5球咁多，個入球大點博得落手呀！




南韓、澳洲今日亦會主場出擊，分別迎戰阿聯酋同阿曼，雖然對手唔算太弱，不過今日韓、澳都响自己地頭打波，憑佢哋比較強嘅進攻火力，絕對唔會錯過插爆對手，攞多幾個入球嘅好機會，呢兩場簡單啲就博「讓球主勝」啦。