智利搏殺搵秘撈

猪拉多纳

11/10/2011
文： SAMVO肥叔

今日國際賽場面熱鬧，亞洲、歐洲同南美洲好戲連場，大家度波之前，最緊要留意出線形勢，因為歐洲國家盃外圍賽已嚟到最後一輪，各隊戰意如何，往往成為勝負關鍵，反而世界盃南美洲區外圍賽開始冇耐，形勢較為單純，肥叔是日心水係智利。




智利近年成績不斷冒升，世界排名已升至十四位，雖然近幾場成績麻麻，但唔好忘記對手係西班牙、法國同阿根廷等頂級勁旅，今仗主場對實力平庸嘅秘魯，相信智利可威番鋪，讓到一球顯信心。




另一場委內瑞拉主場對阿根廷，牌面睇梗係阿根廷高一班，但近年委內瑞拉表現都有進步，加上南美洲區外圍賽主隊一向好惡，所以阿根廷今場讓得多有暗湧，肥叔睇好下盤。


列卡特未執掂沙特


亞洲方面，東南亞惡霸泰國值得留意，雖然對手沙特阿拉伯係亞洲傳統勁旅，但近年成績不斷下滑，去年連世界盃決賽周都入唔到，即使佢哋搵咗名帥列卡特執教，不過佢上任冇耐，幫助應該唔大，泰國主場受讓值得捧場。




歐洲方面，揀咗三支有戰意嘅主隊法國、瑞典同埋丹麥，肥叔始終認為出線重要關頭，都係主隊先信得過。