阿根廷有鑊氣炒起委內瑞拉

猪拉多纳

11/10/2011
文： 法比加輝

世界盃外圍賽南美洲區賽事，明早有委內瑞拉主場對阿根廷。阿根廷在沙貝拉領軍下脫胎換骨，上場大勝智利表現惹人好感，最重要係「球王」美斯終於打破國際賽入球荒，只要美斯能在國家隊踢出水準，今場要贏委內瑞拉又有何難度？加輝建議捧客勝。（周三早上8時50分開賽）




阿根廷上場在沙貝拉帶領下大勝智利四比一，賽後獲得一致好評。事實上沙貝拉上任後夠膽大刀闊斧重組，盡量將球隊年輕化，為未來鋪路。另一個轉變就係改由美斯仔出任隊長，結果呢位當代球王戴上臂章後果然一洗頹風，成功打破國際賽入球荒，要知道入球往往係一個前鋒重拾信心嘅靈丹妙藥，預料回勇嘅美斯今場勒都勒唔住，好大機會再有「士哥」。至於另一射手希古恩亦都弗爆，佢兩個加埋迪馬利亞嘅三箭頭可謂威力無比。


委軍近六仗輸五場


其實阿根廷過往面對委內瑞拉亦頗有把握，佢哋近五次到訪全部贏晒之餘，更每場都贏兩球或以上，堪稱係委內瑞拉剋星！再者主隊近況奇差，近六場比賽輸咗五場，狀態咁曳又點頂得住回復朝氣嘅阿根廷，因此加輝認為客勝穩陣，有分頭嘅2.35倍「讓球客勝」都值得捧場。