荷蘭唔齊腳博摸和瑞典

猪拉多纳

11/10/2011
文： 麥馬拿仁

四大勁旅荷蘭、意大利、德國、西班牙已取歐國盃入場券，佢哋最後一戰心態如何，值得研究。E組賽事瑞典主場鬥荷蘭，「橙衣兵團」雖然正氣，但作客瑞典有史奈達、洛賓等主力缺陣，實力受削；瑞典要爭最佳次名具戰意，但又缺伊巴謙莫域，今仗敲和好路。（now 637周三凌晨2時15分直播）




荷蘭一向被稱為「外圍賽之王」，今次外圍賽又九戰九勝，但今輪球隊傷兵極多，除史奈達同洛賓之外，雲尼斯達萊、阿費利、史基倫保亦因傷缺陣，上輪以亨特拉爾掛帥，主場只能小勝摩爾多瓦一粒，可見戰意低落、人腳唔齊下，荷蘭戰鬥力明顯下降。瑞典今仗主場出擊，將會為爭奪最佳次名而戰，但伊巴謙停賽出唔到，預料鬥荷蘭難分高下，直接敲和好路。


意軍鬥北愛小勝格


意大利方面，球隊上仗作客打和塞爾維亞一比一，已經三連細。呢班波出咗線後頻頻揸流攤，今輪Ｃ組主場鬥北愛爾蘭又係小勝格局，捧細。另外，西班牙同德國超晒班，兩班波都係唔贏唔安樂，預計主場出戰都會強陣迎敵，其中德國對比利時，「讓球主勝」有1.85倍可以一試，至於西班牙對蘇格蘭就揀大。