查爾頓夫添狙擊燦美爾

猪拉多纳

08/10/2011
文： 麥馬拿仁

英甲「領頭羊」查爾頓，盃賽揸流攤大敗冇問題，今晚聯賽主場迎燦美爾打真軍，主W走唔甩！查爾頓本季於基斯鮑維帶領下早早入局，全力挑戰升班席位，上仗英錦賽收起七個主力，今戰巴利胡禮菲臘斯等將復出，燦美爾作客盞送死。




（周六晚10時開賽）




基斯鮑維上季中開始領軍，經過半年磨合期後，本季帶領球隊大爆發，開咧後聯賽八勝三和保持不敗，勢頭極勁。以查爾頓球會規模，根本唔應該流落英甲，故升班先係球隊終極目標，盃賽只會盡力而為。上仗英錦賽，除巴利胡禮菲臘斯外，攻擊大將達爾史堤芬斯都冇出，總之查爾頓夫添出擊，新敗後勢攞燦美爾祭旗，主W好路。


錫周三主場贏多鋪


另一戰錫周三主場迎車士打菲特，「貓頭鷹」主場四連勝威力勁爆，今場主W可添食；而奧連特有前鋒古尼頓復出攻力大增，今作客斯肯索普有力不敗，受讓要捧。