|
|
07/10/2011
講形勢，法國比其他1哥好少少，今晚佢哋喺主場鬥尾二嘅阿爾巴尼亞，只要贏波，下仗對波斯尼亞唔輸就出線。雖然法國今仗有列貝利、賓施馬同馬度迪退隊，但仍然有拿斯尼同馬隆達壓陣，整體質素高阿爾巴尼亞幾班，當然捧1.45倍「讓球主勝」！
（now633及714周六凌晨3:00直播）
阿爾巴尼亞新人試陣
冇咗皇馬前鋒賓施馬，領隊白蘭斯就搵嚟巴菲迪比高美斯代替。呢位26歲嘅里昂前鋒對上一次入選國家隊已經係09年嘅事，但佢今季喺法甲全面回勇，到目前為止9戰入6球，今次難得重返國家隊，梗係出盡全力爭表現啦！至於中場拿斯尼過檔曼城之後踢到曉飛，只要呢兩位大將擦出火花，要入波又有幾難？唯一隱憂只係巴塞守將艾比度有傷缺陣，但以今仗對手嘅鋒力，冇一兩件守將應該唔會有影響。
對家阿爾巴尼亞揀咗4件新丁入伍，佢哋嘅領隊講明最後兩場分組賽會試新人，咁又係，既然都出唔到線，搏嚟做乜？即使想搏，但佢哋件切塞納前鋒保丹尼上仗對盧森堡領紅，今仗坐波監，火力有限，邊惡得出樣？
歐國外D組 |
|
金睛卡
发表于 2011-10-7 12:34
变色卡
显身卡