玻利維亞硬淨悶戰烏拉圭

猪拉多纳

07/10/2011
文： Mic少

應屆美洲國家盃盟主烏拉圭，世界盃外圍賽第一擊主場鬥玻利維亞，贏面係高，但主W得1.09倍離晒大譜；「讓球主勝」1.45倍亦買唔落手。玻軍防守力唔曳，早前作客阿根廷都守和一比一，今仗一係唔好掂，要玩就小注博2.55倍細盤！


（周六凌晨3時開賽）

主W熱過龍咪掂

烏拉圭近兩年如日方中，先入世界盃四強，今年七月再奪美洲國家盃，三大射手蘇亞雷斯、卡雲尼、科蘭都有料到，後防由盧根奴鎮守亦夠穩，但踢波一場場計，烏軍被熱捧於投X角度睇唔係好事，博佢W根本冇肉食。睇番球隊美洲盃奪標過程，六場賽事頭五場都開細，再加上世界盃外圍賽長路漫漫，而且球隊跟手就要作客強敵巴拉圭，或留有一手，贏都未必大炒。


玻軍後防唔曳，於美洲盃首戰打和阿根廷一比一，之後對哥斯達黎加亦僅負兩粒，今場作客勁敵必死守，2.55倍細盤可以考慮。