德國爭全勝作客盡砌土耳其

猪拉多纳

07/10/2011
文： 蘇斯黑柴

A組德國作客鬥土耳其，原本屬強弱懸殊賽事，不過德國已經提早出線，土耳其則要力爭小組亞軍，令德國今仗賠率大幅升溫，黑柴深信正力爭全勝出線嘅德軍唔會揸流攤，推介超值嘅2.02倍客W。


（周六凌晨2時30分開賽）


土耳其近3年來主場只曾1敗，而且過去兩次主場對德國都贏波，理論上戰意亦在德國之上，不過，土耳其近期於外圍賽面對哈薩克同奧地利都踢得極差，中場靈魂紐尼沙軒因傷缺陣，「神奇教頭」希丁克嘅主守戰術同佢哋本身主攻踢法格格不入。何況土耳其目前以2分領先第3位嘅比利時，餘下一仗主場對阿塞拜疆相信贏咗9成，即使今仗不敵德國，只要德國下周二主場贏比利時，土軍一樣可以取得小組次名。

2.02倍客W超筍

德軍今仗只有卻奧斯因病缺陣，領隊勒夫揚言強陣力爭紀錄性嘅全勝出線，德國足總亦定下每名球員18萬歐元嘅全勝額外獎勵，戰意唔成問題。事實上德軍新人輩出，近年有飛躍進步，今仗因戰意疑點換來超過2倍嘅特筍賠率，客W值博。