法國傷細嚴重就住贏

猪拉多纳

07/10/2011
文： 笛子波童

歐國外D組法國主場鬥阿爾巴尼亞，法國目前於榜首同波斯尼亞鬥得難分難解，為保出線優勢一分都不能少，不過法國今場受到嚴重傷兵問題困擾，相信會比平時更加保守，建議捧2.15倍細盤。（now 633及714周六凌晨3時直播）


法國目前於D組僅以一分領先次席波斯尼亞，由於後者今晚主場鬥盧森堡應可穩袋三分，如果法國今仗失分，兩軍位置便會對調，到時法國想直接出線，下周中最後一場分組賽主場鬥波斯尼亞便非勝不可。為免令自己陷入出線劣勢，法國今場目標一定係攞三分，可惜佢哋陣中有好多傷兵，賓施馬、列貝利、沙格拿、馬度迪肯定倦勤，加美路、艾比度亦上陣成疑，對攻守都有一定影響。

阿爾巴尼亞硬淨

法國今屆八場外圍賽冇一場可以入多過兩球，當中七場總入球開細，依家咁多主力唔出得，更加唔會亂搶攻。阿爾巴尼亞出線無望，但呢班波好有鬥志，今屆分組賽四次輸波未試過失多過兩球，估計法國最多小勝，「讓球主勝」太熱，捧細盤更抵。