紅牛發憤撞散銀河

猪拉多纳

04/10/2011


明早美職獨腳戲，由兩支重量級球隊交鋒，紐約紅牛主場對洛杉磯銀河。紅牛今季野心勃勃，羅致多位球星加盟，可惜成績同投資卻唔成正比，能否打入季後賽仲未知，但呢隊波始終有番咁上下斤両，重要關頭隨時發揮小宇宙，今仗對常規賽冠軍坐定粒六嘅銀河，平手盤捧紅牛！（now 633及660周三早上8時直播）




紅牛今季演出令人失望，最大問題係球員唔齊心，好似早前馬基斯批評隊友表現不濟，就嚴重打擊球隊士氣。不過嚟到常規賽最後階段，紅牛已經冇失分空間，觀乎球隊近七仗僅一敗戰績，似乎班球員亦開始爭氣，只要今仗過到銀河呢關，仍有機會搭上季後賽尾班車，而球星亨利亦要為爭奪神射手而戰。


羅比堅尼返國缺陣


銀河毫無疑問係美職實力最強嘅球隊，不過佢哋常規賽冠軍在望，與其場場咁搏，倒不如留力踢季後賽，畢竟銀河近期賽程甚密，今仗已經係一個月以來第九場賽事，就算避重就輕都好正常。值得留意係羅比堅尼已返回愛爾蘭備戰國際賽，今仗將缺陣，缺少呢位當打射手，銀河隨時畀紅牛偷到雞！