廠仔大無畏 衝「刺」鬥入波

猪拉多纳

02/10/2011
文： 走肖

英超北倫敦打吡戰開慣入球騷，熱刺今晚喺主場對阿仙奴，唔憂冇入波睇。雖然兵工廠經歷領隊雲格上任以來最低潮，但「教授」繼續沉迷進攻足球，一味淨係識唱《足球小將》主題曲，嗌球員「攻呀攻、快搶攻」，咁嘅環境唔捧1.65倍入球大點得？（有線200、300及廣東體育周日晚11:00直播）


兵工廠5大中堅打柴照攻


根據雲格所講，阿仙奴嘅傷兵中得前鋒謝雲奴同翼鋒禾確特最有機會復出，中場韋舒亞同戴亞比固然未好番，最弊係中堅哥斯尼、史基拿斯、華美倫、佐羅同米基爾5大中堅都趕唔切傷愈，可以用嘅正宗中堅得番梅迪薩卡，如無意外，中場桑治要移後做替工，對住熱刺想唔失波都難。


熱刺歐霸留力叉足電


睇番紀錄，今季兵工廠慘負曼聯2:8證明後防崩潰，另外，兩度領先最後以3:4不敵布力般流浪，更加似係笑話，呢種情況以往根本唔可能喺阿仙奴身上出現，我唔敢話雲格唔識帶隊，但佢唔理現實情況，失波係意料中事。




對家熱刺都唔好得幾多，正選雙中堅戴臣同加拿斯未好番，防守中場侯度史東同樣要休養，計落都唔似頂得住兵工廠炮火。除此之外，熱刺領隊夏利列納喺歐霸盃幾乎收起全隊主力，目的當然係同阿仙奴死過，既然射手艾迪巴約、中場雲達華治同左翼加里夫巴利叉足電，兩隊近5次對賽又開4次入球大，當然要再追。


橫數千軍


 熱刺交手旺開大




‧近6場2次半場領先、4次落後。

‧對上5次對賽4次開入球大。

 阿仙奴連續8場入波

‧近4場全部開入球大。

‧連續8場有波入，攻入17球。