馬體會都係住家飯好食

猪拉多纳

02/10/2011
文： ComboKing

阿King今日繼續以西甲賽事為過關重心，是日心水係馬德里體育會對西維爾。雖然馬體會近兩場都贏唔到，但阿King想提醒大家，兩場失分都係作客賽事，反觀近兩場主場都能大炒對手，主場威力都算明顯，今場建議捧馬體會主W。（now 632及660周一凌晨零時直播）


主場3連勝省10粒


馬體會近兩戰都頗令人失望，事關聯賽淨吞巴塞隆拿五蛋後，上周中歐霸作客雷恩亦只能逼和對手，連續兩場不勝。不過阿King都唔會太擔心，皆因馬體會勝在主場穩陣，近三場主場全勝之餘，仲轟入十球咁多，所以今場有主場之利下，大可睇好佢哋取得主場四連勝，捧主W。




另一關就揀選貝迪斯對利雲特，「人氣球隊」貝迪斯上場終被破全勝金身，對一支升班球隊嚟講，難免有多少打擊，加上今場對手利雲特非常難纏，呢支「西甲利記」開咧至今都未輸過，就連「銀河艦隊」皇家馬德里都要向佢哋俯首稱臣，今場利雲特受讓值博。最後一關揀番場蘇超獨腳戲赫斯對些路迪，赫斯主場有料到，近五場贏四場，些路迪上周中搏完歐霸，想作客贏波唔容易。