富咸搵細佬開齋

猪拉多纳

02/10/2011
文： 麥馬拿仁

今晚另一場倫敦打吡戰，富咸翻生食得住「細佬」昆士柏流浪。富咸經過五連和後，上仗歐霸盃終於重響勝鼓，今仗又有森莫亞、迪比利、薛維爾等主力回歸，必搏老命為聯賽開齋。昆士柏攻力疲弱，強捧主W！




（有線204及304台周日晚10時直播）




富咸本季由祖爾領軍，陣容變動唔大，經過八月三連敗後慢慢上番軌道，早前連鬥川迪、曼城同車路士都保持不敗上晒力，到上周中歐霸盃作客丹麥奧丹斯終贏兩粒，球隊士氣大振。多名大將都會於今場聯賽復出，力爭本季英超首場勝仗，再加上又係打吡戰，富咸戰意高昂，必㩒住對手嚟打。


昆士柏把握力曳


昆士柏陣容唔錯，祖爾巴頓、胡禮菲臘斯係有質素，但正前鋒保夫萊特把握力曳，今晚難破富咸大門，進取者今場可吼埋富咸淨勝波膽。