艾迪巴約承諾入波唔再囂

猪拉多纳

02/10/2011


今仗北倫敦打吡，艾迪巴約肯定係最大焦點人物。離開阿仙奴轉投曼城後，該名多哥前鋒曾轟破兵工廠大門，並狂奔七十碼慶祝，佢話好後悔咁做，絕不會重蹈覆轍，但就好希望今晚入波愈多愈好，因為出糧畀佢嘅係熱刺，而唔係阿仙奴。


後悔當日所為


艾迪巴約當日所作所為激到舊會粉絲生蝦咁跳，佢亦知衰：「我曾多次公開道歉，老實講我真係好後悔。不過今晚我唔會留情，如果可以畀我演帽子戲法，又或者入五、六球，我一樣會照做，因為依家熱刺先係我老細。我知道我入波愈多，熱刺球迷就會愈鍾意我。」阿仙奴領隊雲格亦話，希望廠迷唔好噓艾迪巴約，因為足球唔應該存在仇恨，應用享受心情對待。