靠U21小將孭飛 烏甸殘陣益晒些路迪

猪拉多纳

29/09/2011
文： 力奇

歐霸盃就被唔少球會視為豬頭骨，好似喺I組嘅意甲烏甸尼斯，主帥古度連今晚領軍出訪些路迪，竟然話連首席射手迪拿達利都唔帶，要靠個冇經驗嘅U21小將孭飛，擺明等炒。足智彩讓球盤由平手打到些路迪讓平半，我捧1.92倍上盤！（有線63及203周五凌晨1:00直播）




烏甸首輪主場贏雷恩2蛋，不過次輪要佢哋作客出擊，古度連諗過度過唔想嘥彈藥，寧願留力踢意甲。除咗射手迪拿達利冇隨隊，其餘前鋒包括保羅巴列圖、科路科利斯養緊傷，羅馬尼亞神奇小子加比爾托治又話唔符合資格上陣，家陣前線就得番個新仔迪亞高法比尼孭飛。




力奇搵過料，呢位意大利小國腳今夏由安玻里加盟，喺意乙踢過56場波入得3粒，上周日對卡利亞里係佢首場意甲賽事，但烏甸就同對手互交白卷。鋒力信唔過，防線重心杜米斯又缺陣，點捧得落手？




些路迪輸完畀格拉斯哥流浪後取得2連勝，算係復原得唔錯。射手加利賀柏想博入英格蘭國家隊，一定落力，球隊整體實力唔差，加埋地利，要贏烏甸應該冇問題！