尼科西亞作客阻頭阻細

猪拉多纳

28/09/2011
文： Mic少

歐聯G組薩克達主場對尼科西亞，塞浦路斯代表尼科西亞上輪擊敗辛尼特，取得參加歐聯分組賽以來首場勝仗，意義重大，對佢哋打咗一口強心針。呢類二三線球隊靠士氣同列強周旋，依家打起信心，薩克達要入佢哋波有難度，捧入球細。




（周四凌晨2時45分開賽）




尼科西亞09/10球季首次進身歐聯分組賽，當時六戰取得三和三負，今屆再次參賽即旗開得勝，可謂進步神速。尼科西亞難得贏波，霎時燃起出線希望，未來幾仗應會更加落力。但尼軍實力有限，估計作客會以不敗為目標，會先做好防守工作，留待主場全力爭勝。


薩克達兩守將停賽


烏克蘭球隊薩克達上輪輸畀波圖，仲有兩位守將拉傑斯基及基格連斯基被逐，今場一齊停賽。薩克達處於弱勢，如能攞到三分已滿足，唔會追求大勝，預料今場入球數字一球起兩球止，捧細盤為妙。