藍翼再做好漢

猪拉多纳

28/09/2011
文： 樂比堅尼

今日繼續上演兩場亞冠盃八強次回合賽事，頭場伊朗索柏阿漢主場對南韓水原藍翼。藍翼堪稱盃賽專家，除攞過兩屆亞冠錦標，近三年亦攞過四個盃賽冠軍，球隊征戰多年經驗豐富，最擅長就係應付客場賽事，今屆亞冠更未嘗一敗，樂比仔梗係捧藍翼「讓球客勝」。




（now 671周三晚9時50分直播）




水原藍翼係典型南韓球隊，優點係紀律好，踢法機動及體能佳，而且球員鬥志及心理質素極強，雖然攻力唔算標青，但要贏佢哋相當困難，首回合雙方互相試探，最終打和一比一，今仗藍翼係時候見真章。睇番藍翼今屆踢咗八場亞冠賽事，四勝四和未嘗一敗，當中三場作客一勝二和，戰績咁硬淨，受讓梗係要捧。


沙巴罕贏變輸激起鬥志


另一場卡塔爾艾薩德主場對伊朗沙巴罕，沙巴罕首回合本來贏一比○，但因派違規球員上陣而被判輸○比三，但咁反而會激起球員鬥志。艾薩德三球在手出線幾成定局，好容易會鬆懈，今場輸番一、兩球好平常，平手盤梗係捧○七年亞冠亞軍沙巴罕啦！