華倫車仔報細數

猪拉多纳

28/09/2011
文： 法比加輝

車路士將迎來今季歐聯分組賽最難踢一仗，作客對華倫西亞。車仔E組最強敵人非「蝙蝠兵團」莫屬，所以作客攞一分已收貨。至於華倫面對強敵並唔會強求三分，因此加輝捧華倫「讓球主勝」及入球細，進取啲可直取3.15倍和波。（有線61及201台周四凌晨2時45分直播）




論球員身價，華倫當然及唔上「億萬大軍」車路士，皆因最值錢嘅桑馬達今夏都已經賣咗畀對方，所以車仔今場被睇高一線亦算合理。其實華倫在季初早已證實，冇桑馬達坐鎮一樣掂檔，事關幾名新兵如域陀雷斯、簡拿利斯及阿爾拉米都交到貨，開咧頭五場保持不敗，要到上場作客西維爾先初嘗敗績。


華倫主場硬淨


除此之外，華倫主場出擊一向有保證，今季開咧後主場未嘗一敗，最值得參考當然係早前遇上「地上最強」巴塞隆拿都不落下風，所以車仔到訪想攞得甜頭？加輝就認為唔係咁易。更何況歐聯分組賽只係一個「計分遊戲」，環顧E組其餘對手亨克及利華古遜，實力都及唔上華倫西亞，所以車仔作客對住最強敵人需唔需要攞齊三分，相信領隊保亞斯都心裏有數，若然車路士爭勝心都唔堅決，要作客贏波就更加困難。




當然，華倫心態其實同車仔差唔多，面對同組最強對手，首要目標就係不敗，要搶三分倒不如喺其餘兩支球隊身上搶，所以加輝認為華倫主場受讓值博，若想回報更佳，就可直取和波。