「林智健」唔只得一個

猪拉多纳

25/09/2011
文： 樂比堅尼

父親係香港人嘅漢堡球員林智健前晚首次在一隊上陣，大批香港球迷即時在討論區踴躍發言，希望有朝一日港隊能擁有一位德甲球員。樂比仔唔係潑冷水，以港隊多年來作風及對歸化球員嘅政策，要林智健披上港隊戰衣可以話異想天開。


火燄大勇再起革命


港隊多年來均毫無長遠計劃可言，每逢有大賽先臨急抱佛腳，拉雜成軍，亦從來冇諗過徵召一些可代表港隊嘅海外球員歸隊，除林智健之外，効力千葉市原嘅10號仔林馬菲，些路迪門將費利，甚至効力中超嘅聶凌峰都喺香港出生，有資格代表港隊，港隊係咪應該接觸下佢哋，睇下佢哋有冇興趣為港隊効力呢？

講番今日推介，芝加哥火燄主場對新英倫革命，火燄近期勇，主場四連勝，一於再追！
（周一凌晨4時開賽）