西意升班馬頻道 Discovery

猪拉多纳

25/09/2011


升班球隊，往往被視為炮灰，但歷史話畀我哋聽，升班馬都有成功嘅！今晚西意兩地升班馬CF格蘭納達同路華拿都會開上戰線，而且贏面俱不俗，開波之前，歡迎大家嚟到Discovery西意升班馬頻道，一齊深入兩隊地頭，睇吓佢哋嘅歷史及地理背景，究竟有乜咁把炮！


經典升班馬：賀芬咸(德甲08/09)


堪稱德甲史上最傳奇升班馬，球隊95/96年度球季降班，僅闊別一季，喺97/98球季重返甲組，並立即奪得該季聯賽冠軍，期間兩循環都擊敗拜仁慕尼黑，證明捧盃絕非符碌。


凱沙羅頓(德甲97/98)


堪稱德甲史上最傳奇升班馬，球隊95/96年度球季降班，僅闊別一季，喺97/98球季重返甲組，並立即奪得該季聯賽冠軍，期間兩循環都擊敗拜仁慕尼黑，證明捧盃絕非符碌。


葉士域治(英超00/01)


踢三十八場聯賽贏二十場，可惜最終以兩分之差排第五位，同歐聯擦身而過，但仍然獲得足協盃入場券（歐霸盃前身），當時主帥佐治貝利當選該季英超最佳領隊，不過翌季就降班。


祖雲達斯(意甲07/08)


06年因假波事件，被褫奪意甲冠軍，兼罰降落乙組，但仍然保留大部分主力，輕易重返意甲。由於情況特殊，祖記當年成為罕有具備爭標實力嘅升班馬，最終亦以季軍身份取得歐聯入場券。