路華拿乘勇搶阿特蘭大

猪拉多纳

25/09/2011
文： 巨高

本周意甲升班球隊對決！阿特蘭大主場硬撼路華拿，上季兩隊喺乙組兩對決，路華拿一勝一和保持不敗，今季升上甲組再鍊過，路華拿仍可睇高一線。路華拿剛啱喺上周中快車檔期，以三比一擊敗強隊國際米蘭，球員信心及士氣必定大幅度提升，加上作客有得受讓，「讓球客勝」必捧。（周日晚9時開賽）

路華拿係一支唔起眼嘅球隊，仲畀外界認為係降班大熱門，但踢過三場比賽之後，巨高覺得呢班波唔係想像中咁差，尤其上周中以三比一擊敗國際米蘭，相信唔少球迷對佢哋有所改觀。而今場對手阿特蘭大可謂對慣對熟，睇通晒對手路數，路華拿作客都冇有怕。