捧拜仁好過買股票

猪拉多纳

24/09/2011
文： Wendy

港股個跌勢一直持續，好在上星期走得快，輸少當贏原來已經好開心！其實又有邊個會諗到，依家連拜仁慕尼黑呢班衰波都比啲股票更可信？




拜仁自從開季第一場輸咗畀慕遜加柏後已經八連勝兼保持不失，咁踢落去其他德甲大軍今季都唔使再爭喇，上季「二哥」利華古遜上周主場被科隆大炒，真係離晒譜，今晚作客安聯球場，睇嚟都係聽畀「仁」劏！（有線61及201台周日凌晨30分直播）




以拜仁咁嘅強勢，贏兩球根本冇難度，讓球主勝話咁易開出啦！利華接連廿二年作客拜仁都未贏過，如果拜仁今場先嚟玩嘢，即係明恰我小Wen子啫！




其實我都想博「主其他」嗰啲大波膽，貪好分頭嘛！不過雙方下周中都有歐聯跟尾，照道理都唔去咁盡，拜仁只要一早拉開距離，奠定勝果搞掂就冇煩惱！早前弗到震嘅馬里奧高美斯同另外一張王牌洛賓已經復操，今晚出唔出就未知，但卻奧斯同列貝利最近都弗，對手門將賓特尼奴廿歲都未夠，隨時怯場啦。


軒歷基斯起晒利華底


利華門將嫩，惟有靠連拿迪斯同舒華比兩名大將頂住，頂得幾多得幾多。啱啱先醒起今場係拜仁教練軒歷基斯倒戈戰，呢場對番以前班手下，佢心中有數啦。睇嚟今晚拜仁應該又輕輕鬆鬆開個讓球主勝出嚟，繼續益街坊！


有線球彩台主持Wendy


Wendy推介：拜仁慕尼黑 讓球勝

熱愛舞蹈的Wendy，04年歐國盃Euro Babe變身成為有線球彩台節目主持，當初對足球猶如混沌初開，依家已滾瓜爛熟，最愛暢談波經。