多蒙特作客緬恩斯有心得

猪拉多纳

24/09/2011
文： 蘇斯黑柴

德甲頭場直播上演「高普打吡」，上季帶領多蒙特喺聯賽封王嘅少帥高普，再次領軍返到成名地高菲斯球場，出戰佢嘅「子弟兵」緬恩斯，多蒙特近期戰績差已承受巨大壓力，可幸今仗陣容復整，高普對主隊實力亦瞭如指掌，黑柴深信佢有力帶領多蒙特重響勝鼓，推介1.8倍客Ｗ。（有線61及64台周六晚9時30分直播）




今仗對於高普嚟講，可謂手掌係肉手背又係肉，皆因佢當年就係帶領緬恩斯升上德甲並取得優異成績而成名，目前緬恩斯多名職球員仍然係佢嘅「子弟兵」，所以過往佢每次領軍返嚟母會都會特別興奮。不過今次情況有別，多蒙特喺聯賽兩連敗後已承受重壓，相信都冇乜心情玩敍舊，今仗對三分志在必得。




多蒙特近仗喺把握機會方面做得唔好，但今仗中場靈魂馬里奧葛斯同隊長基爾雙雙停賽期滿復出，防守中場施雲賓達傷勢進展亦比預期好，甚至養傷多時嘅箭頭巴里奧斯亦傷愈可望進入大軍名單，球隊整體實力完整得多。高普近兩次帶領多蒙特回歸高菲斯球場都可以贏波同零封對手，今晚有足夠信心重開勝利之門。


緬恩斯現形難擋路


緬恩斯教頭杜曹亦可謂盡得高普真傳，上季帶領球隊成為其中一支最令人驚喜球隊，但今季喺舒賀爾尼、賀治比同基斯甸富治斯三位上季最佳球員離隊後，實力嚴重削弱，季初仲可以趁其他球隊未上力取得兩連勝，但隨後即無以為繼，近四戰一和三負共失12球，今仗面對飢渴嘅多蒙特冇本錢做攔路虎。