皇馬省鑊甘大翻身

猪拉多纳

24/09/2011
文： 法比加輝

皇家馬德里周日凌晨主場對升班球隊華歷簡奴，「銀河艦隊」近兩場聯賽唔見五分，教練莫連奴賽前操練就捉晒全體球員訓話，省到班兵「立立令」之餘，更勒令佢哋要團結一致！「寸王」龍顏大怒，料球員都醒水踢番場漂亮勝仗，加輝建議捧3.5球中位數入球大。（now 632及660周日凌晨2時直播）


連失5分莫帥「奴」氣


皇馬近期陷入低潮，先輸畀利雲特，周中又悶和桑坦德，連續兩場對弱旅都贏唔到，痛失五分。眼見球隊現危機，教練莫連奴就在操練前向全體球員訓話半小時，並要求佢哋放低成見，團結一致！事實上，皇馬近期多次傳出球員不和，就連靈魂人物基斯坦奴朗拿度都被指扮大佬而惹怒隊友，但估計球隊被「寸王」省完後，問題應有改善。




至於客隊華歷簡奴，開季四戰一勝兩和一負，表現尚算合格，但其實至今仍未遇過強隊，所以今輪撼「艦隊」屬一大考驗。其實皇馬近兩場都係作客賽事，失分亦可以搵到理由，但今場返回巴拿貝主場，真係冇晒藉口唔踢翻身仗，加輝睇好佢哋會強勢回歸，一於捧入球大。