曼城花心求愛不遂

猪拉多纳

24/09/2011
文： 麥馬拿仁

曼城分心歐聯被打窒道氣，主場都啃唔落「剋星」愛華頓！歐聯開咧後曼城表現回落，唔似得季初咁順，下周歐聯仲要作客大勇拜仁，壓力巨大或持續影響演出。「拖肥」打硬仗有一手，近四次作客曼城全勝，受讓值得支持！（有線200及300台周六晚7時45分直播）


愛華頓剋曼城


曼城季初遇神殺神，兩大射手阿古路同迪斯高踢到曉飛，但上仗阿古路雖梅開二度，但仍被富咸逼和。曼城雖球星如雲，但外間及球隊富豪班主文梳亞要求都好高，歐聯未能打響頭炮，已被插到飛起，下周中作客拜仁慕尼黑好惡踢，今仗分心下或繼續跌分。




愛華頓開咧戰不敵昆士柏流浪後，近五仗三勝二和，就算賣走主力阿迪達，而沙夏又同球隊交惡，但都冇乜影響。「拖肥」一向係豬頭骨，近六次同曼城交手贏五次，受讓筍爆！