|
|
19/09/2011
仁：阿仙奴衰到連布力般都輸得，又剝你棚牙喎！
樂：我前晚捧兵工廠，係睇死布力般唔掂，但就計漏咗個耶高保，認真失策。
仁：阿仙奴的確低處未算低，五場聯賽全部輸盤，呢場仲要輸兩個烏龍，真係個天都唔鍾意佢！
樂：咪係囉，有時衰開就有條路，夾硬拗頸盞自己蝕底。以前阿記都係到十月先衰啫，依家唔係喇，分分鐘成季都冇運行，起碼到一月轉會市場重開，先會有轉機。
仁：阿仙奴咁嘅人腳、狀態、運數，短期內的確好難翻身，佢哋仲要咁大名氣，讓波盤奉旨辣，真係應該追住嚟反，相信繼續會有得執。
樂：但追英超好喇，歐聯就咪制！英超水準愈來愈高，你睇連史篤城都打得掂歐霸就知。阿仙奴爛船有三斤釘，出到歐聯作客贏烏甸尼斯、和多蒙特，睇到佢哋仲好有優勢。英超唔掂咯，歐聯梗係盡搏啦，嚟緊分組賽對住馬賽、奧林比亞高斯，依然讓得起嘅。
仁：麥馬拿仁 樂：樂比堅尼
|
|
金睛卡
发表于 2011-9-19 10:43
变色卡
显身卡