拿玻里平手盤攞A

猪拉多纳

18/09/2011
文： 鄭少偉

唔知係咪因為遲咗開咧，大部分意甲球員都好似好餓波咁勁積極，令成個聯賽充滿生氣。今晚推介畀大家嘅拿玻里開季超順，即使來訪嘅係AC米蘭，拿玻里佔盡地利人和絕對冇有怕，平手盤抵捧！（now633台周一凌晨2:45直播）


AC伊巴謙打柴冇重心


拿玻里上季嘅表現真係令人眼前一亮，仲踢走幾支傳統勁旅，搶咗個「三哥」位，拎埋歐聯入場券！班球星好似咸錫、卡雲尼同拿維斯表現勁搶鏡，今夏仲成為唔少歐洲富豪球會嘅獵物，本來以拿玻里呢類中型班嘅規模，對於豪門開價應該好難抗拒，不過拿玻里仍堅持要人唔要錢，顯示出無比野心。當然，有心都要有力，拿玻里一開季就即刻嚟料，首輪留力照贏切塞納3:1，上周中喺歐聯仲作客逼和曼城，成個過程仲要係五五波，霸氣十足！今鋪回師主場，主將又無病無痛，勝算都幾高。




對家AC踢咗兩場，都只係靠運逼和對手，班兵好似仲未夾得熟咁。事實上，今季冇咗派路嘅AC，好似冇晒攻擊重心咁，阿古蘭尼只係勤力有餘創造力欠奉，最弊係數胡人物伊巴謙莫域、奇雲保定仲養緊傷，中場唔掂鋒力弱兼作客，好難要得落手喎！

有赢不输